“CinemaPlus” Premium-klass kinoteatrında “Ulduz Müharibələri: Skayuolkerin yüksəlişi” kosmik hekayəsinə həsr olunmuş şou proqram keçirilib.

Reklam stendinin qarşısındakı qırmızı xalçada tamaşaçılar böyük məmnuniyyətlə, işıq şousunun iştirakçıları ilə şəkillər çəkdiririblər.

Sözügedən filmin rejissoru Cey Cey Abramsdır. Baş rollarda isə Billi Lurd, Lupita Nionqo, Deyzi Ridli, Adam Drayver və Mark Hemill var.

Bu film qırx ildən çoxdur davam edən Skayuolker ailəsinin inanınılmaz hekayəsini tamamlayır və öncəki bölümün bütün tapmacalarına cavab verməyi vəd edir.

Tamaşaçıları köhnə və yeni qəhrəmanları, bənzərsiz dünyaları, qalaktikanın sərhədinə səyahətlər və fantastik saqanın böyük finalı gözləyir.

Qeyd edək ki, tədbirin təşkilində dəstəyi “Light in Black” kreativ şirkəti və “Show1Baku” göstərmişdilər.

“CinemaPlus” hər zaman sizə xoş sürprizlər etmək və kino dünyasında olan ən son premyeralarla sevindirməyə hazırdır.