“Sevməkdən qorxmaq lazım deyil” – Murat Dalkılıç – FOTOLAR - VİDEO
Ötən gün Bakıda Türkiyənin məşhur “Dünya Hali” filminin qala gecəsi keçirilib. Rejissorunun Ömər Canın olduğu film aşiq olma qorxusu olan Sərdarın və onun sevdiyi gənc qadın olan Gizemin eşq macəralarından bəhs edir.
Magazinews.Az xəbər verir ki, filmin əsas qərəmanları Nizami Kino Mərkəzindəki gecəyə qatılıblar. Murat Dalkılıç, Melis Sezen və Serenay Aktaş film öncəsi media nümayəndələrinin suallarını cavablandırıblar.
İlk olaraq filmdə aşiq olmaqdan qorxan adam rolunu canlandıran Murat təəsüratlarını bölüşüb:
“Mənə göstərdiyiniz diqqətə görə çox xoşbəxtəm. Qonqaqpərvərliyniz çox xoşuma gəldi. Gözəl yeməklərinizdən yedik. Filmi bərabər izləyəcəyik. Çəkilişlərimiz bir ay davam edtdi. Filmdə Sərdar obrazını canlandırıram. Aşiq ola bilməyən bir gəncdir. Bunun başıma gələcək bir şey olduğunu düşünürəm. Heç kimə də arzulamıram. Sonda Gizeme aşiq olur. Birlikdə gözəl macəralarımız yaşanır. Dostlarım sevgimizin baş tutmasında köməklik etməyə çalışırlar. Bu rolu canlandırmaq həqiqətən çətindir. Daha öncə aktyor kimi xırda rollarımın olduğu layihələrdə yer almışam, ancaq belə geniş anlamda ilk işimdir. Belə gözəl filmlə başlaçağım çox yaxşı oldu. Sizin də filmimizi bəyənəcəyinizə inanıram. Gözəl enerji ilə çalışdıq. İnsanlara da bunu ötürməyə çalışdıq. Sevməkdən qorxmaq lazım deyil, aşiq olunmalıdır. Onun bütün problemlərini çəkməlisən. Eşq həyatın ən önəmli motivasiyalarındandır. Aşiq olunca hər şey başqa olur. Bakıya çox gəlmişəm. Ən son Olimpiya stadionunda yeni il konsertində çıxış etdim. Buranın gözəlliyini dostlarıma da anladıram. Musiqini atmağı düşünmürəm. Həyatımda sahib olduqlarıma musiqinin sayəsində yiyələnmişəm.”
Filmdə Dalkılıçın dostlarından olan Serenay Aktaş obrazı barədə məlumat verib:
“Mənə görə Muradın gözəl aktyorluq qabiliyyəti var. İlk filmidir,hətta gecikdiyini düşünürəm. Masal obrazını canlandırıram. Dəli-dolu,barda çalışan bir qızdır. Gizəmə Sərdarın filofobik olduğunu mən deyirəm. Dostuma dəstək olmağa çalışıram. Çox əylənərək səhnələrimizi çəkdik.”
Həyəcanlı olduğunu deyən Melis Sezen də yeni filmlərindən söz açıb:
”Biz Muradın aktyorluq qabiliyyətini çox bəyəndik. Filmdə Gizəm rolundayam. Jurnalist olan pozitiv qızı canlandırıram. O, filofobik adamla müsahibə etməlidir. Sərdar isə əslində elə biri deyil. Gizəmi əldə etmək üçün rola girir. Filmin çəkilişini bitirdikdən üç gün sonra digər rol aldığım ”Möcüzə” filminin çəkilişinə qatıldım. 1 martda təqdimatımız olacaq.”
Qeyd edək ki, Azərbaycan mahnılarına aşiq olduğunu bildirən Murat Dalkılıç konfransın sonunda canlı mahnı da ifa etdi.
Bundan başqa qala gecəsinə qatılan filmin aktrisaları dekolteli geyimləri ilə diqqət çəkiblər.
Tural Hüseyn
Fotolar: Ramin Qurbanov, Zaur Hacıyev
