"Gizem Karaca Bakıda" - FOTOLAR - VIDEO
Türkiyənin məşhur aktrisalarından olan Gizem Karaca ilk dəfə paytaxt Bakının qonağı olub.
Magazinews.Az xəbər verir ki, aktrisanın Bakıya gəlmə səbəbi "4-cü Türk Filmləri Həftəsi"- dir. Gizem Karaca ötən gün Nizami Kino mərkəzində tədbirlə bağlı mətbuat konfransına qatılıb. Axşam baş tutan tədbirdə isə sevənləri ilə birgə film izləyib. Gecədə Türkiyənin digər məşhur aktyorları da iştirak edib. Onların sırasında “Türk Filmləri Həftəsi”nin koordinatoru Öner Kılıç, aktyorlar Deniz Oral, “Diriliş Ertuğrul” serialının aktyoru Sezgin Erdemir, “Güller” filminin rejissoru Mehmet Gün, rejissor-ssenarist Murat Çeri və menecer Özlem Erçağlar olub. Qonaqlar media nümayəndələrinin suallarını cavablandırıblar.
“Türk Filmləri Həftəsi” Azərbaycanla bərabər Qazaxıstan, Qırğızıstan və Özbəkistanda da təşkil olunur. Məqsəd yalnız türk filmlərini izlətmək deyil, həm də aktyor və rejissorlarla da tanışlıqdır. Eyni zamanda da türkiyəli aktyor və film şirkətlərini azərbaycanlı rejissor, aktyor və şirkətlərlə bir araya gətirib ortaq mədəniyyət haqda ekran işləri ərsəyə gətirməkdir.
Qeyd edək ki, "4-cü Türk Filmləri Həftəsi" Bakıda Türkiyə Mədəniyyət Nazirliyinin dəstəyi və "Yerli düşüncə" dərnəyinin təşkilatçılığı ilə keçirilir. Tədbirdə Türkiyə və Azərbaycandan olan dövlət məmurları, millət vəkilləri iştirak edib. Festival 23-27 noyabr tarixləri arasında davam edəcək.
Tural Hüseyn
FOTO/VIDEO:Sübhan İsmayılov
