"Çarə “Sizsiniz” qrupunun könüllülərinin “Bayram Sovqatı”-adlı yardım aksiyası keçirilib"

Magazinews.Az Turanxeber.az-a istinadən xəbər verir ki, 15.12.2018 ci il tarixində əsas təşkilatçısı və rəhbəri olan Nur Ülviyyə Həsrətova tərəfindən Sosial şəbəkə üzərindən qurulmuş Çarə “Sizsiniz” qrupunun könüllülərinin “Bayram Sovqatı” adı altında az təminatlı ailələrə yardım aksiyası baş tutdu.

21 ailə, 37 uşaq olmaqla hər bir ailəyə ərzaq, geyim və uşaqlar üçün oyuncaq yardımı edildi. Yeni il bayramı girmədən ailələrə bayram sovqatı paylandı. Uşaqların bir çoxu yeni qış ayaqqabıları ilə təmin olundu. Əsas təşkilatçı heyyət Nur Ülviyyə Həsrətova , Nərmin Hüseynova, Həsən Məmmədov olmaqla könüllülərimiz Ruslan Həsənov, İskəndər Akundov, Nərgiz Məmmədova, Dilbər Hüseynova, Sərxan Adıgözəlov, Tural Nəsibov ailələrə baş çəkərək bütün yardımları ünvanlarına çatdırdılar.

Eyni zamanda yardım aksiyasına adı çəkilməyən sonsuz dəstək göstərən, ərzaq, ət, geyim, oyuncaq və s. kimi yardımlar edən bir çox könüllülər var. Sevindirici haldır ki, insanlar biganə qalmadı və 1ay ərzində davam edən aksiyaya bir çox insan dəstək oldu. Və bu dəstəklər sayəsinsə ailələrin həyatlarına gözəl toxunuşlar edildi. “Bayram Sovqatı” aksiyası valideynlərdən də çox uşaqları sevindirdi. Bu sevinc, bu xoşbəxtlik hər bir ailənin , hər bir körpənin gözündə hiss olunurdu. İnanırıq ki, bundan sonra bu cür aksiyalar davamlı olacaq, bu cür aksiyalara dəstək verənlər də çox olacaqdır.