Forum “Yaşıl Dünya üçün Həmrəylik İli” mövzusunda və COP29 çərçivəsində baş tutdu. Tədbirin əsas məqsədi gəncləri bir araya gətirərək müxtəlif aktual mövzularda müzakirələr aparmaq və onların dünyagörüşünü genişləndirmək idi.

Forumda Dayanıqlı İnkişaf Məqsədləri çərçivəsində #SDG13 - “İqlim Dəyişikliyi ilə Mübarizə”, #SDG14 - “Dəniz Ekosistemlərinin Qorunması” və #SDG15 - “Torpaq Ekosistemlərinin Dayanıqlı İdarə Olunması” mövzuları müzakirə olundu. Bu mövzularda keçirilən Keynote çıxışlarını Kamal Mahmudov, Xəyala Məmmədova və Elmir Məmmədli təqdim etdilər.

Gənclərin daha dərindən məlumat əldə etməsi üçün keçirilən “workshop”lar isə Narmina Badirxanova və Kamal Mahmudov tərəfindən aparıldı. Sessiyalar zamanı iştirakçılar müvafiq mövzular ətrafında müzakirələr apardılar və yeni baxışlar qazandılar.

Panel Diskusiyası gənclərin suallarını cavablandırmaq və mövzulara dair daha geniş perspektiv təqdim etmək məqsədini daşıyırdı. Bu sessiyada spikerlər Orduxan Qəhrəmanzadə, Xəyala Məmmədova, Elmir Mammadli və Nicat Tahirli iştirak edərək öz bilik və təcrübələrini bölüşdülər.

Tədbirdə həm Azərbaycan, həm də İngilis dilində sessiyalar təqdim edildi. Forumun təşkilində Azərbaycan Gənclər Fondu, ABB, Nayora və Azərbaycan İnnovasiyalar Mərkəzi dəstəklərini göstərdilər. Və iştirakçılara sonda hədiyyələr təqdim edildi.

Youth Speak Forum, gənclərin dünyanı daha yaşıl və dayanıqlı gələcəyə yönəltməyə təşviq edən mühüm platformalardan biri kimi yadda qaldı.