Portuqaliyada koronavirusu öldürən maska hazırlandı

26-07-2020, 13:25
A+
A-

Lissabondakı Molekulyar Tibb İnstitutunun bir qrup alimi, üzərinə düşən koronavirus hissəciklərini zərərsizləşdirə biləcək qoruyucu maska hazırlayıblar.

“Qafqazinfo” xəbər verir ki, bu barədə “La Razon” nəşri yazıb. Qeyd edilir ki, bu nailiyyətə suyadavamlı təbəqə və xüsusi örtüklü parka sayəsində nail olublar.

Belə ki, təcrübə zamanı maskanı koronavirus molekulları olan məhlulun içinə salıblar, 1 saat sonra isə molekulların 99 faizi öz aktivliyini itirib.

Fransanın Paster İnstitutunda aparılan tədqiqatlar zamanı maskanı azı 50 dəfə yuyub istifadə etməyin mümkünlüyü sübut olunub.