BAKIDA “WINGS FOR LIFE WORLD RUN” QLOBAL XEYRİYYƏ QAÇIŞI BAŞ TUTUB - FOTO

6-05-2024, 12:25
A+
A-


5 May tarixində Bakıda “Wings for Life World Run” qlobal xeyriyyə qaçışı baş tutub !


Mayın 5-də Dövlət Bayrağı Meydanında “Wings for Life World Run” xeyriyyə qaçışı baş tutub.
Bakı vaxtı ilə 15:00-da start götürən 
Wings for Life World Run 2024-ün qalibi Yaponiyadakı qaçışda 70,1 km məsafə qət edən Tomoya Vatanabe olub. Bakıdakı qaçışda iştirak edənlər arasında birinciliyi estoniyalı Taavi Maran qazanıb, ikinci və üçüncü yerləri isə yerli qaçışçılar Mirsəməd Tapdıqlı və Faiq Məmmədov paylaşıb. Ümumilikdə Bakıda baş tutan Wings for Life World Run-da 256 nəfərin iştirakı qeydə alınıb.

 

İlk addımları 2014-cü ildə atılan bu tədbirin məqsədi dünya üzrə milyonlarla insanı bir araya gətirmək və onurğa xəstəliklərinin araşdırılması üçün əhəmiyyətli ianə toplamaq idi. Lakin Wings For Life World Run-ı fərqləndirən də elə yarışın öz təbiətidir. Ənənəvi marafondan fərqli olaraq, burada finiş xətti yoxdur. 

Qaçışa qoşulan hər bir kəs qaça bildiyi qədər məsafəni qeyd edə və qaça bilər.  Telefona yüklənən tətbiqdə qaçışdan 30 dəqiqə sonra virtual avtomobil iştirakçını izləməyə və ona çatmağa çalışır. İştirakçının əsas məqsədi isə virtual avtomobilin onu çatmazdan əvvəl qoyduğu hədəfə çatmaq və qaçışı tamamlamaqdır. Əgər virtual avtomobil iştirakçıya çatarsa telefona səsli bildiriş gəlir və qaçış tamamlanır.



Wings for Life World Run barədə ətraflı:

https://wingsforlifeworldrun.com/