Misli Premyer Liqasında 2026/27 mövsümünün II turunda bu gün iki qarşılaşma baş tutacaq. 

Magazinews.Az xəbər verir ki, turun ilk görüşündə “Qəbələ” doğma meydanda “Şəfa” ilə qarşılaşacaq. Qəbələ şəhər stadionunda keçiriləcək matç saat 18:30-da başlayacaq.

Günün ikinci oyununda isə “Zirə” “İmişli”ni qəbul edəcək. Zirə İdman Kompleksinin stadionunda keçiriləcək qarşılaşma saat 20:45-də start götürəcək. 

II turun proqramında nəzərdə tutulan “Sabah” – “Sumqayıt” və “Qarabağ” – “Kəpəz” oyunları komandaların avrokuboklardakı çıxışları ilə əlaqədar başqa tarixə keçirilib. 

Turun digər iki matçı isə avqustun 23-də oynanılacaq. Həmin gün “Turan Tovuz” “Şamaxı”nı, “Neftçi” isə “Araz-Naxçıvan”ı sınağa çəkəcək.