Misli Premyer Liqasında III turun növbəti qarşılaşması keçirilib.

Magazinews.Az xəbər verir ki, Zirə İdman Kompleksinin stadionunda “Zirə” və “Neftçi” komandaları üz-üzə gəlib. Meydan sahibləri görüşdən 1:0 hesablı qələbə ilə ayrılıblar.

Matçda hesab ilk hissənin əlavə vaxtında açılıb. 45+3-cü dəqiqədə “Zirə”nin kapitanı Qismət Alıyev fərqlənərək komandasına qələbə qazandıran qola imza atıb.

Qeyd edək ki, III turun əvvəlki oyunlarında “İmişli” “Şəfa”nı 1:0, “Kəpəz” “Turan Tovuz”u 1:0 hesabı ilə məğlub edib. “Qəbələ” və “Şamaxı” isə qolsuz heç-heçə ilə kifayətlənib.

Turun son qarşılaşması avqustun 31-də keçiriləcək.