“Gənclik Mall” TM-də yerləşən “CinemaPlus” premium kinoteatrında, Bakıda yerləşən Yunus Emre Fondun dəstəyi ilə filmin baş qəhrəmanları Mert Kılıç və Aslıhan Günerlə birlikdə Türkiyənin “Komutan” döyüş filminin qala gecəsi keçirilib.

MagaziNews.Az xəbər verir ki, türkiyəli aktyorlar media nümayəndələrinin suallarını cavablandırıb, qırmızı xalıdan keçib və pərəstişkarları ilə şəkil çəkdiriblər. Azərbaycan tamaşaçıları Türk kumirlərini heyranlıqla qarşıladılar.

Film real hadisələr əsasındə çəkilib. Rejissorlar Selahattin Sancaklı və Mert Kılıçdır. Rollarda Mert Kılıç, Aslıhan Güner, Can Kızılıtuğ və Emre Bulut çəkiliblər.

Film haqqında qısa məlumat: Xüsusi hazırlanmış bir dəstəyə Suriyada döyüşlər zamanı şəhid olmuş 3 əsgərin nəşini Vətənə geri qaytarmaq tapşırığı verilir. Hər addımında ölüm təhlükəsi olan bu tapşırığı "Soluk Kesen" adlandırılan dəstə necə yerinə yetirəcək?...

Tədbirin təşkilində Cinema Distribution, “MADO” restoranı, foto və video çəkiliş - “Light in Black” kreativ şirkəti dəstək göstəriblər.

Qeyd edək ki, film oktyabrın 13-dən etibarən bütün "CinemaPlus" kinoteatrlar şəbəkəsində nümayiş olunacaq.

“CinemaPlus” hər zaman sizə xoş sürprizlər etmək və kino dünyasında olan ən son premyeralarla sevindirməyə hazırdır.