“Park Cinema”-da dekabr sürprizlərin vaxtıdır"

“Park Cinema”-da dekabr sürprizlərin vaxtıdır" - FOTOLAR

Dekabrın 10-da “Park Cinema Metropark”da keçirilmiş “Bambli” filminin qapalı nümayişində xüsusi qonaq qismində təşrif buyuran Bamblbi avtobotu şənbə günü “Park Cinema Park Bulvar”ın qonaqlarının qarşısına çıxıb.

Magazinews.Az xəbər verir ki, rejissor Trevis Naytın “Bamblbi” filmi keçən həftədən başlayaraq, “Park Cinema” kinoteatrlar şəbəkəsində yayımlanır. Film tamaşaçıların xüsusi marağına səbəb olub.

Həmin gün “Park Cinema Flame Towers”da yayımlanan “Robin Hud: Başlanğıc” filminə gələn qonaqlar isə Şervud meşənin “nümayəndələri” tərəfindən qarşılanıb.

“Park Cinema” kinoteatrlar şəbəkəsinin piar-meneceri Rüstəm Fətəliyev bildirib ki, “Biz istəyirik ki, kinoya gəlmək müştərilərimiz üçün xoş bir hadisə kimi yadda qalsın. Buna görə də bu seanslarda xüsusi bir performans etməyə qərara gəldik. Qonaqlarımız bu təşəbbüsümüzü müsbət qarşılayıb və bizdən yeni sürprizlər gözləyir. Onların üzərində işləyirik.”

Onun sözlərinə görə, bu həftə “Park Cinema”da “Akvamen” filminin nümayişi başlayacaq:

“Sevindirici haldır ki, müştərilərimiz “Park Cinema”da “Akvamen”i IMAX formatında baxa bilərlər. Filmin yaradıcı heyəti tizer və treylerlərində tamaşaçılara “Akvamen”-ə məhz IMAX formatında baxmağa məsləhət görür.”