1 iyun – Uşaqların Beynəlxalq Müdafiəsi Günü “CineMastercard” premium kinoteatrında da qeyd edilib.

Magazinews.Az xəbər verir ki, şəhid və qazi, eləcə də aztəminatlı ailələrin övladları və kimsəsiz uşaqlar üçün əyləncə proqramı təşkil olunub.

Bayram ab-havası, musiqi, şən animatorlar, xüsusən də kloun və böyük Sonik kuklası uşaqlara unudulmaz anlar bəxş edib. Gənc qonaqlar üçün müxtəlif oyun və müsabiqələr də keçirilib.

Əyləncə proqramından sonra uşaqlar Azərbaycan dilində peşəkar dublyaj olunan “Paddinqton 3” komediyasını izləyiblər.

Filmin rejissoru Duqal Uilsondur.

Rolları Oliviya Kolman, Antonio Banderas, Emili Mortimer, Karla Tous, Hyu Bonnevill, Culi Uolters, Cim Brodbent, Madlen Harris və Semuel Coslin canlandırıb.

Lüsi xalanı Imelda Stonton, Paddinqtonu Ben Uişou səsləndirib.

Azərbaycan dilində isə filmi Murad Dadaşov, Kamran Ağabalayev, Sənubər İsgəndərli, Zemfira Əbdülsəmədova, Nəcibə Hüseynova, Ofeliya Novruzqızı, Vüqar Hüseynov, Vüsal Murtuzəliyev, Məsmə Aslanqızı, Nöfəl Şahmaroğlu, İrana Kərimova, Səid Məmmədov, Sevda Biyik, və Məmmədabağır Eyvazov səsləndirib.

Dublyajın rejissoru Vüqar Hüseynov, prodüser və səs rejissoru Teymur Kərimov, tərcüməsi isə Aytən Nəsirliyə məxsusdur.