Flame Towersdə yerləşən Park Cinema İmax Kinoteatrında milyonların həvəslə gözlədiyi “JOKER” fiminin xüsusi nümayişi keçirilib.

Magazinews.Az xəbər verir ki, nümayiş öncəsi qonaqlara film qəhrəmanları olan müxtəlif joker xarakterləri şou göstərib. Bundan əlavə, gecədə qonaqlar üçün furşet, dj-in iştirakı ilə musiqi təşkil edilib.

 
Filmdəki hadisələr 80-ci illərin əvvəllərində Qotem şəhərində baş verir. Əsas qəhrəman Artur xəstə anasına qulluq edir. Şəxsi həyatında onu qaraba-qara izləyən uğursuzluğu isə bütün ümidlərini puç edir. Məruz qaldığı təhqirlər isə artıq onu cinayətkara çevirir. O, tərəflərindən haqsızlığına uğradığı bir çox insanı öldürür. Sonda çox sevdiyi anası barədə həqiqətləri öyrəndikdən sonra onun belə canına qıyır.

Qeyd edək ki, filmin rejissoru Todd Fillipsdir. Senari müəllifləri isə Fillips və Skott Silverdir. Ekran işində əsas rolu Hoakin Feniks canlandırıb. Aktyorun film üçün özəl hazırlaşdığı verdiyi çəkilərdən də məlum olub.

Xatırladaq ki, həyəcan dolu, təsirli səhnələrlə zəngin olan filmə Park Cinema kinoteatrlarında baxa bilərsiniz.