Red Bull BC One Cypher Azerbaijan 2024 - Ölkənin ən güclü b-girl və b-boylarının qarşılaşması

Red Bull BC One Cypher Azerbaijan ölkənin ən yaxşı b-girl və b-boylarını bir məkana toplayacaq. 

18.02.2024-cü il tarixində "Passage 1901" məkanında baş tutacaq Red Bull BC One Cypher Azerbaijan yarışmasında iştirakçılar ölkənin ən güclü b-girl və b-boy adı uğrunda mübarizə aparacaqlar.

 İştirakçılar təkbətək döyüş formatında   gözəl hərəkətlər və mürəkkəb texnika ilə öz üslublarını nümayiş edəcəklər. Qaliblər isə ilin sonunda Rio-de-Janeyroda keçiriləcək Red Bull BC One Dünya Finalında Azərbaycanı təmsil etmək şansı qazanacaq. 

Bu tarixdən öncə 16.02.2024 tarixində Dəniz Mall-da finalçıların seçim mərhələsi keçiriləcək. 17.02.2024-cü il tarixində isə Harmony Dance Studio-da  münsiflərin master-klassları baş tutacaq. 

Qeyd edək ki, Dəniz Mall-da baş tutacaq seçim mərhələsinə giriş sərbəstdir və istənilən şəxs izləyici olaraq qatıla bilər. Yarışmaya isə giriş yalnız dəvətnamə əsasında mümkündür. 

Yarışma atmosferindən başqa, Red Bull BC One keçirildiyi bütün ölkələrdə hip-hop bayramı hesab olunur. Belə ki, Red Bull BC One Cypher Azerbaijan tədbirinə münsif olaraq bütün dünyada tanınan breykerlər, eləcə də, Azərbaycanın rəqs və hip-hop icmasının tanınmış nümayəndələri, dj-lər, reperlər, gənc bloqerlər və influenserlər qatılacaq. 

Bundan əlavə, bu il breykinq idman disiplini olaraq Olimpiadada debüt edir. Bu səbəbdən 

Red Bull BC One yarışmasının keçirilməsi ölkəmizdə bu olimpiya disiplinində idmançıların yetişməsinə də töhfə vermiş olacaq. 

Tərəfdaşlar:
 Red Bull BC One Cypher Azerbaijan yarışmasının rəsmi tərəfdaşı Azərbaycan İdman Rəqsləri Federasiyasıdır.
 Eləcə də, Red Bull BC One-ın qlobal və ekslüziv tərəfdaşı Reebok brendidir. 

P.S. Mətnlərdə breykdansinq əvəzinə breykinq, breykdanser deyil breyker, b-boy və b-girl sözlərindən istifadə olunması tövsiyə olunur.

Öncədən minnətdarlığımızı bildiririk!

Hör