Ötən gecə Nizami Kino mərkəzində PƏRDƏARXASI "Mən burada tək olmuşam" filminin təqdimat gecəsi keçirilib.

MAGAZINEWS.AZ xəbər verir ki, izdihamla keçən qala gecəsinə maraq böyük olub. İlk olaraq, filmin yaradıcı heyəti qırmızı xalıya dəvət olunub. Jurnalistlərin sullarını cavablandıran səbəbkarlar daha sonra gecənin qonaqları ilə birgə filmi izləyiblər.

İzləmə sonrası tamaşaçıların gur alqışları ilə səhnəyə çıxan ekran işini ərsəyə gətirənlər öz təşəkkürlərini bildiriblər.

Filmin mövzusuna gəlincə isə övladları olmayan gənc ailənin cahiliyyətə uyaraq, "türkəçarə" deyilən üsula əl atması ağıla gəlməz, heç gözləmədikləri böyük faciəyə səbəb olur.

Bildirək ki, üç il öncə çəkilən filmin təqdimatının gecikmə səbəbi məlum pandemiya dövrü olub.

"Art Film Baku"nun istehsalı, quruluşçu rejissorunun Emil Quliyevin olduğu filmdə əsas rolları, aktyorlar Hikmət Rəhimov, Azər Aydəmir, Arzu Abdulova, Nəsibə Eldarova, Zemfira Əbdülsəmədova və Vüsal Hacı Qədir canlandırıb.

Ekran işinin quruluşçu operatoru Orxan Abbasov, senari müəllifləri Nurlan Həsənli, Nicat Muxtarov və Emil Quliyevdir.

Qeyd edək ki, filmi 2 mart tarixindən etibarən ölkənin bütün kinotetrlarında izləmək mümkün olacaq. 

TURAL HÜSEYN

FOTOLAR: RAMİN QURBANOV