"Maşın Şou" 17-ci buraxılışı ilə start götürdü" - FOTO/VIDEO
"Hind kinosu"-adlanan şounun 18 iştirakçısının adları müəyyənləşib.
Magazinews.Az xəbər verir ki, yarışmaya qatılan məşhur simalar arasında təcrübəli isimlərlə yanaşı, ilk dəfə bu şouda gücünü sınayacaq Nazilə Səfərli və Əməkdar artist Ruhəngiz Allahverdiyeva iştirakçıların siyahısındadır.
Şouya ilk olaraq, layihənin aparıcısı, Xalq artisti Murad Dadaşov dəvət olunub. O, maşın uğrunda növbəti mübarizəni açıq elan edib.
Daha sonra "Şou"-nun 17-ci sürətinin iştirakçıları tamaşaçılara təqdim olunub.
Şounun yadda qalan məqamlarından biri də "Maşın şou"-ya bu dəfə üç Eurovision təmsilçisinin dəvət olunması olub.
Bundan əlavə, şouya açılış gecəsinin qonaqları qismində bir çox tanınmış simalar da qatılıb. Onların sırasında "maşın"-nın sonuncu sürətinin ən yadda qalan iştirakçısı və qalibi olan Roza Zərgərli olub. “Hind kinosu” adı ilə yayımlanan bu dəfəki şouda, iştirakçılardan say etibarıilə aktrisa və müğənnilər üstünlük təşkil edir.
Qeyd edək ki, Atv telekanalında efirə gedəcək şou hər axşam saat 22:00-da tamaşaçıların görüşünə gələcək.
"Maşın"- ın 17 -ci buraxılışındakı iştirakçılarının siyahısını təqdim edirik:
Əməkdar artist Ruhəngiz Allahverdiyeva, aktrisalar Nərgiz Əliyeva, Aysel Nazim, Xəyalə Quliyeva, Aydan Axundova, müğənnilər Dilarə Kazımova, Səmra Rəhimli, Samir Cavadzadə, Mina Hüseyn, şairə Nazilə Səfərli, reper Ramil Nabran, aparıcılar Ranar Musayev, Xose Bernardo, aparıcı və aktyor Sərxan Kərəmoğlu, aktyor Allahverdi Yolçuyev, vinerler Mənsur Şərif və Taleh Yüzbəyov, meyxanaçı Oktay Kamil.
Magazinews.Az şounun açılış gecəsindən olan foto-video süjeti təqdim edir:
Tural Hüseyn
Foto/Video: Sübhan İsmayılov
