“Slivki” qrupunun üzvü, Karina Koks: “Bakını Qafqazın Parisi adlandırardım”

“Slivki” qrupunun üzvü, Karina Koks: “Bakını Qafqazın Parisi adlandırardım” – FOTO+VIDEO

Ötən gün “Addım Gənclər təşkilatı”nın təşəbbüsü ilə daha bir sosial xarakterli layihə, “Road Safety Festival” adlı yol təhlükəsizliyi barəsində tədbir keçirilib.

Magazinews.Az-ın məlumatına görə, layihə çərçivəsində xarici ulduzlardan Rusiyalı müğənni “Slivki” qrupunun üzvü, Karina Koks, Avropanın məşhur “Ottawan” qrupu, yerli ulduzlardan isə Rəhim Rəhimli səhnə alaraq, tədbir iştirakçılarına şoularını nümayiş etdiriblər.

Bundan başqa, gecədə modellərin iştirakı ilə podium yürüyüşü keçirilib. Onların sırasında tanınmış model Rüstəm Cəbrayılov da yer alıb. Qonaqlara hazırlanmış yeni geyim nümunələri nümayiş olunub.

Səhnədəki çıxışı sonrası Karina Koks kulisdə təəsüratlarını jurnalistlərlə bölüşüb.

“Bakıya bu konsert üçün gəlmişəm. Uzun zamandır, Bakıya gəlmirdim. Həmçinin daim dəyişən şəhəri görmək, burada yaşayan tanışlarımla görüşmək istəyirdim. Sonuncu dəfə 5 il öncə burada olmuşdum. Hər gəlişimdə yeni dəyişikliklərlə qarşılaşıram. Bakını Qafqazın Parisi adlandırardım. Bulvarınızda gəzərkən, belə təsəvvür yaranır. Gəncləriniz rus dilindən çox ingilis dilini bilirlər. Bu təqdirə layiq haldır”.

Rusiyalı pop ulduz milli mətbəximizlə bağlı tərif dolu fikrlər söyləyib:

“Sizin mətbəxdən ən çox sevdiyim manqal salatıdır. Yeməkləriniz tərəvəzlərlə boldur. Plov növləriniz də zəngindir. Ən çox şabalıdlı aşınızı çox bəyəndim”.

Yerli sənətçilərimizlə eyni layihədə yer almaq istərmisiniz, sualını Karina belə cavablandırıb:

“Azərbaycanlı müğənnilərdən təəsüf ki, təkcə Emin Ağalarovu tanıyıram. Ancaq sizin çox gözəl müənnilərinizin olduğunu bilirəm. Avroviziya təmsilçiləriniz çox istedadlıdırlar. Sadəcə adlarını xatırlamıram. Mahnını bəyənsəm, istənilən yaradıcı işbirliyi təklifinə açığam. Emin Ağalarovdan duet təklifi gəlsə, qəbul edərəm. Mahnılarımdan birinə Bakıda klip çəkmək istərəm. Gözəl mənzərəli yerləriniz çoxdur. Ola bilsin ki, elə Azərbaycan dilində mahnı olsun, bilmək olmaz. Məmnuniyyətlə, konsert də vermək istəyərəm. Əsas gözəl şouvə yeni mahnılar hazırlamaq lazımdır. Bunun üçün vaxt tələb olunur”.

Tural Hüseyn

FOTO: Sadıq Əliverdibəyli

Magazinews.Az