Məşhur amerikalı dizayner Calvin Klein 2016-cı ildən etibarən model Kevin Baker ilə münasibətdədir.

Magazinews.Az xəbər verir ki, cütlük uzun illərdir birlikdə olsa da, aralarındakı 46 yaş fərqi səbəbilə yenidən sosial mediada müzakirələrə səbəb olub.

Məlumata görə, Kevin Baker model fəaliyyətinə başladığı illərdə, təxminən 26 yaşında ikən Calvin Klein ilə tanış olub və həmin dövrdən münasibətləri davam edir. Onların birlikdə görüntüləri mediada yayıldıqdan sonra münasibət ictimaiyyət tərəfindən tez-tez "sugar daddy" modeli kimi adlandırılıb. Bu termin yaşlı və maddi imkanları geniş olan kişinin daha gənc partnerlə münasibət yaşamasını ifadə edir.

Son günlər cütlük yenidən gündəmə gəlib. Onların birlikdə şəhər gəzintisi zamanı çəkilən görüntüləri sosial şəbəkələrdə geniş müzakirələrə səbəb olub. Yaş fərqi və münasibətin mahiyyəti ilə bağlı müxtəlif fikirlər irəli sürülüb. Bəzi istifadəçilər onların münasibətini tənqid etsə də, digərləri bunun iki yetkin insanın şəxsi seçimi olduğunu bildiriblər.

Calvin Klein və Kevin Baker bir çox tədbirdə birlikdə görünməyə davam edirlər.