Məşhur müğənni Cengiz Kurtoğlu xəstəxanaya yerləşdirilib.

Magazinews.Az Türkiyə mətbuatına istinadən xəbər verir ki, türkiyəli sənətçinin səhhəti ilə bağlı yayılan xəbər pərəstişkarlarını narahat edib. Bildirilir ki, 66 yaşlı ifaçı ötən axşam burun qanaması şikayəti ilə xəstəxanaya müraciət edib.

Həkim müayinələri zamanı onun iki damarının tutulduğu aşkarlanıb. Aparılan tibbi müdaxilə nəticəsində damarlardan birinə stent yerləşdirilib, digər damar üçün isə bir ay sonra əməliyyat planlaşdırılıb.

Qeyd edək ki, "Küllenen Aşk", "Saklı Düşler" və "Yorgun Yıllarım" kimi məşhur mahnıları ilə tanınan Cengiz Kurtoğlunun ümumi sağlamlıq vəziyyətinin hazırda yaxşı olduğu bildirilir.

Hüseyn