Müğənni Xatun Əliyeva qatıldığı "Öz aramızda" verilişində səmimi etirafları ilə diqqət çəkib.

Magazinews.Az xəbər verir ki, sənətçi proqramın "Qorxulu suallar - qorxmaz cavablar" rubrikasında həmkarları barədə maraqlı fikirlər səsləndirib. O, bəzi məşhur xanımları özündən daha gözəl hesab etdiyini bildirib.

Xatun Əliyeva açıqlamasında "Roza Zərgərli məndən gözəldir, onu çox gözəl qadın hesab edirəm. Nigar Camal və Natavan Həbibi də məndən gözəldir. Elza Seyidcahan gözəllər gözəlidir. Firuzə İbadova da çox gözəldir. Heç kim məndən inciməsin, sadəcə öz düşüncəmə uyğun cavab verdim. Məndən gözəl insanların olduğunu qəbul edə bilirəm. Bəlkə də onlar üçün mən gözəl deyiləm" sözlərini deyib.

Müğənni daha sonra öz sənət aləmində xüsusi bir gözəllik simvolunun olduğunu vurğulayaraq, "Mənim şou aləmində bir gözəlim var, o da "diva"mız Aygün Kazımovadır" fikirlərini səsləndirib.

Sənətçinin bu açıqlamaları sosial şəbəkələrdə maraqla qarşılanıb və müzakirələrə səbəb olub.

Musa