Oktyabrın 26-da saat 08:00-dan yeni humanitar atəşkəs rejiminin elan olunmasına baxmayaraq Ermənistan silahlı qüvvələri növbəti dəfə əldə olunmuş razılaşmanı kobud surətdə pozub.

Bu barədə Müdafiə Nazirliyi məlumat yayıb.


YENİLƏNİB:

Hikmət Hacıyev: “Ermənistan baş naziri yenə yalan danışır”

Ermənistan baş naziri yenə yalan danışır.

Bu sözləri Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev “Twitter” hesabında yazıb.

“Ermənistan baş naziri yenə yalan danışır. Saat 08:04-dən etibarən Ermənistan silahlı qüvvələri humanitar atəşkəsi pozaraq Tərtər rayonunu və kəndlərini atəşə tutmağa başladılar. Azərbaycan Müdafiə Nazirliyinin məlumatına görə, Ermənistan silahlı qüvvələri saat 08:05-dən etibarən artilleriya və minaatanlarla qüvvələrimizə hücum edir”, - H.Hacıyev bildirib.

PM of Armenia is lying over again. Since 08.04 armed forces of Armenia started shelling Tartar region and its villages in violation of humanitarian ceasefire. As reported by MOD Azerbaijan armed forces of Armenia with artillery and mine launchers attacking our forces since 08.05 pic.twitter.com/PJifjN0G4N

— Hikmet Hajiyev (@HikmetHajiyev) October 26, 2020

YENİLƏNİB:

Azərbaycanın səkkiz rayonu Ermənistan tərəfindən atəşə tutulur - RƏSMİ

Yeni humanitar atəşkəs rejiminin elan olunmasına baxmayaraq, Ermənistan silahlı qüvvələri bütün cəbhə boyu, eləcə də Ermənistan-Azərbaycan dövlət sərhədində yerləşən yaşayış məntəqələrimizi və bölmələrimizin mövqelərini müxtəlif növ atıcı silahlar, minaatanlar və toplardan atəşə tutur.

Bu barədə Azərbaycanın Müdafiə Nazirliyi məlumat yayıb.

Bildirilib ki, səhər saatlarından başlayaraq Ermənistanın Berd, Çəmbərək və Vardenis rayonları ərazisindən Azərbaycanın Tovuz, Gədəbəy və Daşkəsən rayonlarının əraziləri düşmən tərəfindən atəşə tutulub.

Eyni zamanda, Tərtər, Ağdam, Füzuli, Laçın və Qubadlı istiqamətlərində yerləşən bölmələrimizin mövqeləri də düşmən tərəfindən atəşə məruz qalır.

///Oxu.az