“Nuradan daha bir klip” – FOTO/VIDEO
Müğənni Nura Suri daha bir klipinin təqdimat mərasimini keçirib.
Magazinews.Az xəbər verir ki, paytaxt istirahət məkanlarının birində baş tutan təqdimatda müğənni media nümayəndələrini bir araya yığaraq "Dönmək olmur" -adlı mahnısına çəkdirdiyi klipi təqdim edib.
Müğənnini xoş günündə sənət yoldaşları da yalnız buraxmayıb. Xalq artisti Brilliant Dadaşova, müğənnilər Səidə Sultan, Sevda Yahyayeva, Vüsal Hacıyev, aparıcılar Samir Bayramlı, Kazım Sübhan, aktyor Elşən Orucov, stilis Elnur Həsənov, vizajist Nigar İbrahimova və başqaları mərasimin qonaqları sırasında olub.
Nura Suri çəkdirdiyi klip barədə açıqlama verərək bildirib ki, bu "Gitme" adlı bəstəyə çəkilən ekran işinin davamıdır.
"Çəkilişlərimiz iki gün davam etdi. Beş geyimdən istifadə etmişik. Ümumilikdə klip üzərində 30-a yaxın adam çalışıb", - deyə sənətçi söyləyib.
Daha sonra tədbirdə qonaqların iştirakı ilə tort kəsilib. Bu an isə əyləncəli görüntülərə səhnə olub.
Qeyd edək ki, mahnının sözləri Elvin Babazadəyə, musiqisi və aranjimanı isə Fərid Ağaya məxsusdur. Nuranın geyimlərini isə modelyerlər Elnarə Bəkirova, Aynur Xəlilova, Zümrüd Mirzəliyeva hazırlayıb.
Xatırladaq ki, yaxın zamanlarda Suri daha iki klipinin təqdimatını keçirmişdi.
Fotolar: Məhəbbət Nəsirov
Video: Sübhan İsmayılov
