19:53 "Sabah" "Şamaxı" ilə, "İmişli" "Sumqayıt"la heç-heçə etdi  |     21:13 “Zirə”dən qələbə, “Şəfa” - “Araz-Naxçıvan” matçında heç-heçə  |     14:12 CineMastercard-ın şəhid əməkdaşı Səxavət Həsənovun xatirə lövhəsi quraşdırılıb - (Foto)  |     22:05 “Neftçi” doğma meydanda “Kəpəz”i məğlub edib  |     20:11 Premyer Liqa: "Turan Tovuz" səfərdə "Qarabağ"a qalib gəlib  |     10:53 Misli Premyer Liqası: “Qarabağ” və “Neftçi” meydana çıxır  |     18:24 CineMastercard-da Meryem Uzerli ilə «İmroz’da Bahar» filmin təqdimatı keçirilib - Foto-Video  |     16:33 Bakıda möhtəşəm “Ailə və Toy Sərgisi 2026” keçiriləcək – Ziyarətçiləri böyük hədiyyələr, meqa endirimlər və möhtəşəm sürprizlər gözləyir!  |     11:01 "Qarabağ" - "Turan Tovuz" matçının təyinatları açıqlanıb  |     16:33 AzTV-nin bu aparıcıları evli imiş... - (Foto-Video)  |     11:01 “Qarabağ” 11 ildən sonra ardıcıl üç oyunda heç-heçə edib  |     10:25 "Neftçi" əsrin rekorduna imza atıb  |     21:33 "Qarabağ" ev oyunlarını bu stadionda keçirəcək  |     09:11 Azərbaycan Premyer Liqası: X turun son oyununda "Sumqayıt" "Şəfa"ya qarşı  |     23:33 RED BULL WINGS CUP AZƏRBAYCAN ÇEMPİONU BƏLLİ OLDU: MAYAMİYƏ GEDƏN YOLUN QALİBİ MÜƏYYƏNLƏŞDİ! - Foto  |     19:33 "Neftçi" "Şamaxı"ya, "Kəpəz" "İmişli"yə qalib gəlib  |     10:13 RED BULL WINGS CUP AZƏRBAYCAN MİLLİ FİNALINDA 16 OYUNÇU MAYAMİYƏ VƏSİQƏ UĞRUNDA YARIŞACAQ  |     19:35 Azərbaycan Premyer Liqası: "Qarabağ" "Qəbələ" ilə heç heçə edib  |     09:10 "Turan Tovuz" "Sabah"la qarşılaşır  |     11:15 Azərbaycan Premyer Liqası: "Qarabağ", "Sabah" və "Neftçi"nin oyunlarına təyinatlar açıqlanıb  |    

Xalq artisti Səyavuş Aslanın anım günüdür


Bu gün Xalq artisti, görkəmli teatr və kino aktyoru Səyavuş Aslanın vəfatından 10 il ötür.


Oxu.Az xatırladır ki, Azərbaycan realist aktyor məktəbinin görkəmli nümayəndələrindən olan Səyavuş Məmmədağa oğlu Aslanov 1935-ci il sentyabrın 5-də Bakıda dünyaya göz açıb.

1947-53-cü illərdə aktyor Atamoğlan Rzayevin, Ağadadaş Qurbanovun, Qurban Musayevin, Ağasəlim Manaflının dram dərnəklərində çıxış edib.

Yaradıcılığa 1954-cü ildə başlayan sənətkar musiqili komediya estrada truppasında, 1958-ci ildə Quba Dövlət Dram Teatrında işləyib.

1959-cu ildə Bakıya qayıdan Səyavuş Azərbaycan Dövlət Musiqili Komediya Teatrının yardımçı heyətinə işə qəbul olunur. Elə həmin il Ağası Məşədibəyovun "Toy kimindir?" tamaşasında "Qoşun" rolunu uğurla ifa etdiyinə görə aktyor heyətinə keçirilir. Daha sonra teatrda maraqlı və yaddaqalan obrazlar canlandırır.

Bu tamaşalara "Bayram" ("Kəndimizin mahnısı", Kərim Kərimov), "İbişov" ("Özümüz bilərik", Şıxəli Qurbanov), "Dadaşbala" ("Hicran", Sabit Rəhman), "Qəmzəli" ("Qaçırılmış qız", Cahangir Məmmədov) və başqalarını aid etmək olar.
O, uzun illər Azərbaycan Dövlət Musiqili Komediya Teatrının aparıcı aktyorlarından biri olaraq çalışıb. 1994-96-cı illərdə həmin teatrın bədii rəhbəri işləyib.

Səyavuş Aslan teatr və kino yaradıcılığındakı fəaliyyətinə görə 1974-cü ildə "Azərbaycan Respublikasının Əməkdar artisti", 1982-ci ildə "Xalq artisti" fəxri adları ilə təltif olunub. Aktyor Prezident təqaüdçüsü idi.

1995-ci ildə "Şöhrət" ordeni ilə və 25 iyun 2013-cü ildə "Şərəf" ordeni ilə təltif edilib.

Səyavuş Aslan ağır xəstəlikdən sonra 2013-cü ildə Bakıda vəfat edib. O, İkinci Fəxri xiyabanda dəfn olunub.



Digər Xəbərlər